Os Bombeiros de Carballo interviñeron na mañá deste venres para sufocar o incendio dun turismo que circulaba pola AG-55. O suceso produciuse arredor das 9:30 horas, á altura do quilómetro 21 da autovía.
Ao chegar ao lugar, os efectivos comprobaron que o vehículo estaba completamente envolto en lapas e procederon á súa extinción. A pesar da rápida intervención, o coche quedou totalmente calcinado.
O único ocupante do turismo conseguiu abandonar o vehículo antes de que o lume se propagase, resultando ileso.
As circunstancias que provocaron o incendio non transcenderon polo momento.