O Concello de Trazo continúa avanzando no acondicionamento e mellora da rede viaria municipal cunha nova actuación no acceso ao núcleo de Oa, unha intervención destinada a mellorar as condicións da vía e facilitar os desprazamentos da veciñanza.
Os traballos contaron cun investimento próximo aos 150.000 euros, financiado a través do POS Provincial, e permitiron actuar sobre este acceso para reforzar a seguridade viaria e mellorar a circulación.
Desde o Concello destacan que esta actuación forma parte do compromiso municipal coa conservación e modernización das infraestruturas públicas, especialmente nas distintas parroquias do municipio.
A intervención no acceso a Oa súmase así ás actuacións que se están a desenvolver para mellorar progresivamente a rede viaria municipal e ofrecer unhas vías máis seguras e adecuadas ás necesidades da veciñanza.
O goberno local sinala que continuará traballando na mellora das infraestruturas municipais, atendendo ás necesidades dos diferentes núcleos e parroquias de Trazo.
