Un menor tivo que ser trasladado este domingo en ambulancia ao Hospital da Barbanza tras resultar ferido nun incidente rexistrado na praza de Galicia, situada no centro urbano de Boiro.
Segundo as primeiras informacións, o suceso produciuse cando o neno xogaba con outros menores na zona da cuberta dun aparcadoiro municipal. As primeiras hipóteses apuntan a que puido precipitarse desde unha altura aproximada de entre dous e tres metros.
Ata o momento, as circunstancias exactas do ocorrido non están completamente esclarecidas. Tras o incidente, o menor foi atendido e evacuado en ambulancia ao Hospital da Barbanza para recibir asistencia sanitaria.
Polo de agora non transcenderon máis detalles sobre o seu estado de saúde nin sobre as causas concretas da caída.
