O próximo 26 de setembro, o Parque Luciano García Alén de Buño acollerá unha nova edición do QUINTEIROFEST, unha celebración coa que a veciñanza quere despedir o verán por todo o alto.
Porque o verán pode rematar, pero a festa non. Boa comida, bebida, música, baile, veciños e amigos volverán reunirse nunha xornada pensada para gozar e compartir.
Un día completo de festa
A programación comezará ás 13:30 horas coa sesión vermú, a cargo de Judith Cundíns, para ir quentando motores antes do xantar.
Ás 15:00 horas chegará o momento do xantar popular, cun menú composto por codillo ao forno con patacas, pan, queixo con biscoito e café. A bebida non está incluída.
Pola tarde, a partir das 18:00 horas, será a quenda do tardeo, que estará amenizado polo grupo de versións Retrotool.
E para pechar a xornada por todo o alto, ás 20:00 horas comezará a sesión musical a cargo de DJ Grobas.
Reserva xa o teu xantar
Para participar no xantar popular é necesario realizar o pago previo, cun prezo de 20 euros por persoa.
A reserva pode facerse tamén para outras persoas. Neste caso, cómpre indicar no pago electrónico o número total de comensais e facilitar os datos da persoa que realiza a reserva. O resto dos asistentes só terá que indicar quen realizou a súa reserva para poder acceder ao xantar.
Como reservar?
Pago electrónico (Bizum ou tarxeta):
Acceso ao pagamento electrónico
Pago mediante transferencia bancaria:
- IBAN: ES90 0049 7141 0229 1000 7300
- Beneficiario: Asociación de Veciños e Socio-Cultural O Quinteiro de Buño
- Concepto: XANTAR QUINTEIROFEST
- Importe: 20 € por persoa
- Emisor: indicar o nome e apelidos da persoa que realiza o pagamento e a reserva.
A organización anima a veciñanza e a todas as persoas que queiran achegarse a non deixar pasar a oportunidade de participar nesta gran festa de despedida do verán.
O 26 de setembro temos unha cita no Parque Luciano García Alén de Buño. Volve o QUINTEIROFEST… e non vai faltar a festa!
