nha familia denuncia o roubo dunha carteira mentres se atopaba descargando as súas pertenzas para celebrar o aniversario dun neno na praia do Pendón, en Cabana de Bergantiños.
Segundo relata a persoa afectada, mentres estaban ocupados descargando as cousas do coche, observaron un mozo que camiñaba cunha mochila e que se achegou ao vehículo. Pouco despois decatáronse de que a carteira desaparecera.
No interior levaba tres documentos nacionais de identidade, o permiso de conducir, tarxetas sanitarias e outra documentación persoal, ademais duns 300 euros en efectivo.
A persoa afectada fai un chamamento á cidadanía por se alguén atopase a carteira tirada pola zona da praia, o paseo ou nas proximidades. O principal obxectivo é poder recuperar a documentación persoal, aínda que o diñeiro non apareza.
Calquera persoa que atope a carteira ou algún dos documentos pode poñerse en contacto co teléfono 698 465 550.
A familia agarda que a carteira poida aparecer nalgunha zona do paseo ou dos arredores e que, deste xeito, se poida recuperar polo menos a documentación.