Un motorista faleceu este domingo tras saírse da vía coa súa motocicleta no municipio de Outes. No accidente non se viu implicado ningún outro vehículo.
O sinistro produciuse pouco despois das 18:00 horas, no punto quilométrico 8 da estrada DP-5604, segundo informou o 112 Galicia.
Tras recibir o aviso, os coordinadores do 112 mobilizaron o Servizo de Urxencias Sanitarias de Galicia (061), que desprazou ata o lugar o helicóptero medicalizado con base en Santiago. Tamén acudiron efectivos do Grupo de Emerxencias Supramunicipal (GES) de Noia e da Agrupación de Tráfico da Garda Civil.
A pesar da rápida intervención dos servizos de emerxencias, non foi posible salvar a vida do motorista, que faleceu no lugar do accidente.
O 112 Galicia acaba de confirmar o suceso.
