O Concello da Baña volveu estar representado no Campionato Galego de Ralis coa destacada participación de Nicolás Andújar Negreira e Alberto Freire Pérez no VIII Rallye da Mariña Lucense, celebrado os días 8, 9 e 10 de maio.
O equipo da Escudería Berberecho, competindo co dorsal 64 ao volante dun Citroën Saxo, completou unha excelente actuación na terceira cita do Campionato Galego de Ralis, conseguindo subir ao podio en dúas categorías.
Entre os resultados máis destacados acadados pola parella bañense figuran:
- 🥉 3º posto na Copa AMF Orixe
- 🥉 3º posto na Agrupación 4
Desde o Concello da Baña quixeron felicitar aos dous representantes locais polos éxitos acadados nesta proba automobilística, destacando o esforzo, a constancia e o traballo realizado ao longo da competición.
Así mesmo, trasladáronlles os seus mellores desexos de cara ás próximas citas do Campionato Galego de Ralis, nas que seguirán levando o nome da Baña por toda Galicia.
