Hoxe recibimos en Faro da Costa unha queixa veciñal procedente do Ventorrillo, onde os residentes denuncian o mal estado das beirarrúas e a falta de limpeza na zona.
Segundo explican os veciños, o estado de abandono é especialmente visible nalgunhas zonas peonís, onde se acumula sucidade e numerosas cabichas de cigarros, ofrecendo unha imaxe pouco coidada do barrio.
Os residentes consideran que esta situación afecta tanto á imaxe da contorna como á calidade de vida das persoas que diariamente transitan por estas beirarrúas. A través dun vídeo remitido á redacción, poden apreciarse as condicións nas que se atopan actualmente determinados puntos da zona.
Os veciños lamentan o que consideran unha falta de mantemento e limpeza por parte do Concello e reclaman unha actuación que permita recuperar o adecuado estado das beirarrúas e dos espazos públicos.
Desde Faro da Costa facémonos eco desta denuncia veciñal e trasladamos a petición dos residentes ás autoridades municipais para que se adopten as medidas necesarias.
“Non pedimos máis que poder ter as nosas rúas limpas e coidadas”, sinalan os veciños.