Os operativos desenvolvéronse nos últimos días nas rías de Arousa, A Coruña, Vigo, Muros e Noia e na Costa da Morte
Os operativos realizados nos últimos días nas rías de Arousa, A Coruña, Vigo, Muros e Noia, así como na Costa da Morte, permitiron incautar máis de 330 nasas e cacharros utilizados para a captura de recursos mariños.
Durante as actuacións tamén foron decomisados 107 quilos de polbo, nécora, camarón, ameixa, percebe e sargo, especies capturadas de maneira irregular.
🐟 Todas as capturas foron devoltas ao mar para favorecer a conservación dos recursos e garantir a protección dos ecosistemas mariños.
Os operativos forman parte dos labores de vixilancia e control destinados a combater as prácticas ilegais e contribuír á sustentabilidade da actividade marisqueira e pesqueira en Galicia.