O Bloque Ecoloxista Galego denuncia que o actual modelo forestal, baseado en plantacións industriais de especies pirófitas, incrementa a vulnerabilidade do territorio galego fronte aos grandes incendios forestais.
O colectivo lembra que Galicia ten unha alternativa natural: **recuperar os bosques autóctonos, diversos e resistentes**, fronte á expansión dos monocultivos forestais destinados aos intereses industriais.
A organización cuestiona o peso das multinacionais privadas ENCE, FINSA e ALTRI, e denuncia a responsabilidade política que atribúe ao PP e a sectores do PSOE na continuidade deste modelo.
«O monte galego non pode seguir sendo unha fábrica de madeira ao servizo dos intereses empresariais. Necesitamos bosques vivos, biodiversidade e unha política forestal centrada na protección do territorio e das persoas».
**Menos monocultivos industriais e máis bosque autóctono. Galicia necesita un cambio urxente de modelo forestal.**
