O Concello avanza nos traballos de recuperación da Praza do Coído, un espazo considerado clave para a vida social e cotiá do municipio. A actuación enmárcase nun plan municipal de mellora e mantemento de espazos públicos que leva anos en situación de abandono e presenta diversos desperfectos.
As intervencións que se están a realizar teñen como obxectivo devolver á veciñanza unha zona segura, accesible e en condicións óptimas para o seu uso e desfrute, reforzando así a súa funcionalidade como punto de encontro e convivencia.
O alcalde destacou que esta actuación “é un exemplo do compromiso do goberno municipal coa mellora dos espazos públicos e coa calidade de vida da cidadanía”, subliñando a intención de “converter cada recuncho do municipio nun lugar digno, coidado e pensado para o uso e desfrute da veciñanza”.
Pola súa parte, o concelleiro de Mantemento e Limpeza, acompañado pola tenente de alcalde, realizou unha visita á zona para supervisar o avance dos traballos e poñer en valor o labor que están a desenvolver os operarios municipais.
O proxecto continúa avanzando con novas actuacións previstas nas próximas semanas co fin de completar a rehabilitación integral da praza.
