O Concello de Mazaricos está a levar a cabo actuacións de mellora no lugar de Agar, centradas na instalación de tubaxes para a recollida de augas pluviais.
Estas obras teñen como obxectivo reforzar o sistema de saneamento da zona, mellorando a evacuación das augas da choiva e contribuíndo a previr problemas derivados de acumulacións ou filtracións. Trátase dunha intervención clave para garantir un servizo máis eficiente e adaptado ás necesidades da veciñanza.
Desde o Concello sinalan que este tipo de actuacións forman parte do compromiso municipal coa conservación e mellora das infraestruturas básicas do rural, co fin de asegurar condicións de vida axeitadas nos distintos núcleos do termo municipal.
Con esta intervención en Agar, o goberno local continúa avanzando na modernización das redes de servizos e no coidado das infraestruturas que sosteñen a vida no rural de Mazaricos.
