As temperaturas disparáronse este mediodía en Galicia, segundo os datos rexistrados ata as 13:30 horas, con valores especialmente elevados no noroeste da comunidade.
Os puntos máis cálidos localízanse na provincia da Coruña, onde se alcanzaron cifras próximas aos 36ºC. Destacan os seguintes rexistros:
- A Coruña – Torre de Hércules: 35,9ºC
- Rus (Carballo): 35,4ºC
- Narón: 34,8ºC
Estes valores sitúan a esta zona entre as máis afectadas pola actual situación de calor, que está a deixar temperaturas moi por riba do habitual para estas datas.
Desde servizos meteorolóxicos como MeteoGalicia insístese na importancia de extremar as precaucións durante as horas centrais do día.
Recoméndase hidratarse con frecuencia, evitar a exposición prolongada ao sol, permanecer en lugares frescos ou á sombra e prestar especial atención a nenos, persoas maiores e colectivos vulnerables.
A situación podería continuar nas próximas horas, polo que se recomenda seguir a evolución das temperaturas e posibles avisos meteorolóxicos actualizados.