Un turismo envorcou este xoves na estrada DP-1904, ao seu paso por Verdillo, nun accidente rexistrado ás 10:05 horas.
Ata o lugar desprazáronse efectivos dos Bombeiros de Carballo, que tiveron que liberar unha das persoas ocupantes do vehículo.
Unha vez rescatada, foi atendida polos servizos sanitarios e evacuada en ambulancia ao Complexo Hospitalario Universitario da Coruña (CHUAC).
Polo momento descoñécense as causas do sinistro e non transcenderon máis datos sobre o estado da persoa trasladada.