Un ciclista resultou ferido na tarde de onte tras ser atropelado por un turismo na rotonda situada na saída da autovía, na intersección coa estrada AC-552, no municipio de A Laracha.
O accidente produciuse arredor das 21.30 horas na zona de Cabovilaño. Por causas que se investigan, un vehículo alcanzou ao corredor cando circulaba polo lugar, provocándolle feridas que fixeron necesaria a intervención dos servizos de emerxencia.
Ata o punto desprazáronse efectivos sanitarios e forzas de seguridade para atender ao ferido e regular o tráfico mentres se realizaban as labores de asistencia. O ciclista foi trasladado para recibir atención médica.
O sinistro rexistrouse nunha rotonda moi transitada situada á saída da autovía e que conecta coa AC-552, unha vía con importante intensidade de circulación na comarca.