Camariñas, 24 de xullo. O municipio de Camariñas volverá encherse de historia, cultura e tradición coa celebración de «Encaixe no Camiño», que terá lugar entre os días 24 e 26 de xullo. Durante tres xornadas, veciñanza e visitantes poderán gozar dunha ampla programación con espectáculos, gastronomía, artesanía local e animación nas rúas, recreando un auténtico ambiente medieval.
Un dos momentos máis destacados será a Festa do Marisco de Camariñas, que se celebrará o 25 de xullo ás 19.00 horas na Praza do Mercado. A cita permitirá degustar produtos do mar e continuará cun programa festivo que incluirá actuacións musicais e xogos populares para todos os públicos.
Ao longo dos tres días, o Mercado Medieval converterase nun dos grandes atractivos do evento. Os postos de artesanía, as representacións históricas, as demostracións das tradicionais palilleiras, o desfile de moda e outras actividades ofrecerán unha experiencia que combina patrimonio, cultura e tradición.
«Encaixe no Camiño» consolídase así como unha proposta que pon en valor a identidade de Camariñas, o seu recoñecido encaixe de bolillos, a riqueza gastronómica e o dinamismo cultural do municipio, convidando a descubrir o seu patrimonio nun ambiente festivo e familiar.