Unha proposta de moda para muller e home que xa forma parte do comercio de Santa Comba
Desde hai uns meses, Guillermina Store forma parte da vida comercial de Santa Comba, cunha proposta de moda, complementos e detalles con personalidade que combina experiencia, proximidade e unha mirada actual.
Guillermina nace dunha historia familiar vencellada á moda e ao comercio local desde hai máis de 35 anos. As súas orixes atópanse na Costa da Morte, onde a actividade comezou en Camelle e continuou posteriormente en A Ponte do Porto e Fisterra, acompañando a distintas xeracións e creando unha relación próxima e de confianza cos seus clientes.
Hoxe, esa traxectoria continúa en Santa Comba cun concepto renovado: un espazo actual e dinámico pensado para quen vive a moda con actitude e busca algo diferente.
Moda para sentirte ti
En Guillermina Store podes atopar roupa de muller e home, calzado e complementos seleccionados para vestir no día a día, gozar deses plans que xorden sen avisar ou atopar ese look especial para unha ocasión concreta.
A filosofía da tenda parte dunha idea sinxela: non se trata de vestir como todo o mundo, senón de atopar prendas que falen de ti.
Por iso, Guillermina aposta polas tendencias do momento, por prezos accesibles e por unha selección coidada, pero tamén por algo que considera fundamental: unha atención próxima e personalizada.
Unha historia familiar que segue medrando
Guillermina Store mantén a esencia dun negocio familiar, con alma galega e mirada nova. Unha marca que soubo evolucionar ao longo de máis de tres décadas sen perder os valores que a acompañaron desde os seus comezos: o cariño polo comercio local, a elección coidada de cada produto e a proximidade cos seus clientes.
Compra tamén en liña
A proposta de Guillermina non se limita á tenda física. A través da súa tenda en liña, guillerminastore.com, é posible descubrir e mercar comodamente unha selección das súas prendas, calzado e complementos desde calquera lugar.
Ademais, ata o 17 de setembro, os pedidos en liña contan cunha promoción especial: envío gratuíto en compras a partir de 30 €, coa posibilidade de recoller o pedido de balde na tenda.
Unha oportunidade para descubrir as novidades de Guillermina e gozar da moda dunha maneira cómoda, tanto desde Santa Comba como desde calquera outro lugar.
Máis ca moda, actitude.
Descubre a colección e fai o teu pedido en guillerminastore.com.
