Continúan a bo ritmo as obras de renovación do terreo de xogo do campo de fútbol de Lombáns, unha actuación necesaria despois de que a superficie actual superase a súa vida útil.
Con esta intervención, complétase a reforma integral das instalacións, un espazo fundamental para a práctica deportiva no municipio e no que desenvolven diariamente a súa actividade as Escolas de Fútbol Concello de Carnota e o C.F. Lira.
A renovación do terreo de xogo súmase ás melloras xa realizadas:
➡️ Iluminación ✅
➡️ Novos vestiarios ✅
➡️ Galería ✅
➡️ Renovación do terreo de xogo 🔄
Desde o PSOE de Carnota destacan a importancia deste investimento e da mellora das instalacións deportivas municipais, fundamentais para fomentar o deporte base e ofrecer espazos adecuados ás nenas, nenos e deportistas do municipio.
